İngiltərə Premyer Liqasında 16-cı tura start verilib.
Günün ilk matçında “Kristal Pelas” “Liverpul”u qəbul edib.
Qarşılaşmada hesabı penalti vuruşu ilə ev sahibləri açsalar da, sonadək mübarizə aparan qonaqlar geridönüş edərək hesabı öz xeyirlərinə dəyişməyi bacarıblar – 1:2.
Hərçənd, mersisaydlılar qolları “Kristal Pelas” 75-ci dəqiqədə azlıqda qaldıqdan sonra vurublar.
Bu nəticə sayəsində “Liverpul” 37 xalla oyun sayındakı üstünlük hesabına çempionatda ilk pilləyə yüksəlib. Onun rəqibi isə 16 xalla 14-cü yerdədir.
Xeberal.az
