“Bu gün bizim qrup Kahramanmaraş şəhərinin Harunlar məhəlləsindəki binaların dağıntıları altından biri uşaq olmaqla 5 nəfərin meyitini çıxartdı”.
“Report”un Türkiyəyə ezam olunmuş əməkdaşının xəbərinə görə, bunu jurnalistlərə açıqlamasında Azərbaycanın Fövqəladə Hallar Nazirliyinin “N” saylı hərbi hissənin komandiri Zəfər Mustafayev deyib.
O bildirib ki, hazırda Azərbaycan xilasediciləri Kahramanmaraşda dayanmadan axtarış-xilasetmə işlərini aparır:
“Prezident İlham Əliyevin taprışığına əsasən Türkiyədə baş vermiş zəlzələnin aradan qaldırılması istiqamətində gecə-gündür var gücümüzlə çalışırıq. Təbii ki, biz burada zamanla yarışırıq. Çalışırıq ki, dağıntılar arasında qalmış insaları sağ-salamat aşkarlayaraq çıxardaq. Hazırda axtarış-xilasetmə əməliyyatlarını davam etdiririk”.
Xeberal.az
