“Bu günə qədər Kiçik və Orta Biznesin İnkişafı Agentliyinə 1493 şirkətdən Azərbaycanın işğaldan azad edilmiş ərazilərinə investisiya yatırmaq üçün müraciət daxil olub”.
Oxu.Az-ın məlumatına görə, bunu KOBİA-nın İdarə Heyətinin sədri Orxan Məmmədov İslam Ticarət Sənaye və Kənd Təsərrüfatı Palatasının Direktorlar Şurasının 35-ci iclasında çıxışı zamanı bildirib.
Onun sözlərinə görə, bunlardan 490-ı 37 ölkədən olan xarici investorlardır:
“Qarabağda biznes fəaliyyəti ilə məşğul olmaq üçün İslam Ticarət, Sənaye və Kənd Təsərrüfatı Palatasına üzv dövlətlərin müraciətlərini əlaqələndirməyə hazırıq”.
O qeyd edib ki, agentlik Qarabağda üç əsas istiqamət üzrə fəaliyyət qurub:
“Birincisi, yerli və xarici investorları investisiya imkanları barədə məlumatlandırmaq, ikincisi, yeni bizneslərin yaradılması üçün müraciətlərin qəbulu, üçüncüsü isə, biznes infrastrukturlarının yaradılmasına dəstək göstərməkdir”
İlhamə Əbülfət
Xeberal.az
