UEFA Avropa Liqasının pley-off mərhələsində keçiriləcək “Qarabağ” – “Olimpiya” (Sloveniya) oyununun yayımlanacağı telekanal müəyyənləşib.
Oxu.Az xəbər verir ki, Tofiq Bəhramov adına Respublika stadionunda baş tutacaq qarşılaşma “CBC Sport” vasitəsilə canlı yayımlanacaq.
Xatırladaq ki, avqustun 24-də Lyublyanada keçirilən ilk görüşün yayım hüququna malik olan “İdman TV” yalnız 69-cu dəqiqədən etibarən matçı canlı təqdim edib. Həmin qarşılaşmada “Qarabağ” 2:0 hesablı qələbə qazanıb.
Qeyd edək ki, avqustun 31-də keçiriləcək cavab oyunu saat 20:00-da başlayacaq.
Xeberal.az
