Azərbaycanla Belarus dövlətləri arasında münasibətlər dərin tarixi köklərə söykənir. 1993-cü ilin iyun ayının 11-də iki ölkə arasında diplomatik əlaqələr qurulub. Hər iki ölkə öz müstəqilliyini elan etdikdən sonra yeni inkişaf mərhələsinə qədəm qoymuşdur. İki dövlət arasındakı ikitərəfli münasibətlər strateji tərəfdaşlıq səviyyəsinə yüksəlib. Bu münasibətlərin formalaşmasında və inkişafında dövlətlərimizin başçıları arasında səmimi dostluq münasibətləri, yüksək səviyyəli dialoq və qarşılıqlı anlaşma mühüm rol oynayır. Belarus Prezidenti Aleksandr Lukaşenkonun ölkəmizə rəsmi səfəri ikitərəfli münasibətlərin dərinləşməsi baxımından mühüm əhəmiyyət kəsb edir.
Bu gün Azərbaycanla Belarus arasındakı münasibətlər dərin tarixi köklərə söykənir. Hər iki ölkə müstəqillik əldə etməklə yeni inkişaf mərhələsinə qədəm qoyub. 1993-cü ildə xalqın təkidi ilə hakimiyyətə qayıdan Ulu Öndər Heydər Əliyevin siyasi müdrikliyi və uzaqgörənliyi sayəsində iki ölkə arasında tarixdən gələn dostluq münasibətləri daha da möhkəmlənərək inkişaf edib. Bu gün ölkə prezidentləri İlham Əliyev və Aleksandr Lukaşenkonun səyləri sayəsində Azərbaycan ilə Belarus arasında münasibətlər keyfiyyətcə yeni səviyyəyə yüksəlib. Qarşılıqlı hörmət və anlaşma prinsipləri əsasında qurulan əlaqələr ikitərəfli və daha geniş regional və beynəlxalq gündəlik kontekstində öz bəhrəsini verməkdədir. Cənab Prezident İlham Əliyev mətbuata bəyanatında ölkələrimiz arasında mövcud dostluq əlaqələrinə xüsusi diqqət çəkərək qeyd edib: “Aparılan danışıqlar – təkbətək və geniş tərkibdə görüşlər ölkələrimizin mehriban dostlar olduğunu bir daha əyani şəkildə nümayiş etdirir. Münasibətlər dinamik inkişaf edir. Hökumətlərarası Komissiyanın növbəti iclasına qədər konkret addımlar atılacaq və qarşılıqlı iqtisadi-ticari əməkdaşlıq potensialını daha da artırmaq üçün lazımi tədbirlər görüləcək”.
Siyasi sahədə Bakı və Minsk ikitərəfli əlaqələrini inkişaf etdirmiş və Belarus Respublikası həm Müstəqil Dövlətlər Birliyində (MDB), həm də Kollektiv Təhlükəsizlik Müqaviləsi Təşkilatında (KTMT) Azərbaycanın maraqlarına zidd addım atmamışdı. Ölkələrimiz arasında yüksək səviyyədə siyasi dialoq bu hün də mövcuddur. Təhlükəsizlik, iqtisadi və humanitar sahələrdə əməkdaşlıq edən Azərbaycan və Belarus beynəlxalq arenada da bir-birini dəstəkləyirlər. İki ölkə arasında qarşılıqlı etimada əsaslanan dərin münasibətlərin mövcud olduğunu Belarus Prezidentinin mətbuata bəyanatında ölkəmiz haqqında söylədiyi fikirlərdən də aydın görmək olar. Beləki, Prezident A.Lukaşenko mətbuata bəyanatında Azərbaycanın Cənubi Qafqaz regionun lider dövləti olduğunu xüsusi vurğulayaraq qeyd edib: “Tanrıya şükür olsun ki, burada Azərbaycanın timsalında olduqca güclü, normal lider ölkə mövcuddur. Siz Qafqaz regionunu nəzarətdə saxlamağa qadirsiniz. Bu, artıq təkcə Azərbaycana görə məsuliyyət daşımaq demək deyil, Siz artıq bütün Qafqazdakı vəziyyətə cavabdehsiniz, biz – Qafqazda yaşamayan xalqlar buna çox böyük ümid bəsləyirik.” Əlbəttə, Azərbaycanın regionun lider dövlətinə çevrilməsində Prezident İlham Əliyevin şəxsiyyəti və fenomenal liderliyi olduqca mühüm bir amildir. Şübhəsiz ki, Azərbaycan- Belarus münasibətlərinin bugünkü inkişaf səviyyəsinə çatmasında liderlərin şəxsi dostluq münasibəti önəmli rol oynayır.
Əlaqələrimizin dərinləşməsində hökumətlərarası və humanitar komissiyaların rolunu xüsusilə qeyd etmək yerinə düşər. Ölkələrimiz arasında qarşılıqlı etimada və dostluğa əsaslanan əlaqələrin inkişaf dinamikası davam edir. Münasibətlərimiz milli maraqlara uyğun gəlir. İnanırıq ki, əlaqələrimiz bundan sonra da inkişaf edəcək və dərinləşəcək. Belarus Respublikasının Prezidenti Aleksandr Lukaşenkonun respublikamıza dövlət səfəri zamanı 9 adda sənəd imzalayıb. İnanırıq ki,imzalanan mühüm sənədlər ikitərəfli münasibətlərin inkişafına güclü təkan verəcək.
Vəliyeva Südabə
Saatlı Dövlət Rəsm Qalereyasının direktoru
