Ana Səhfə Region

Sosial qayğıya ehtiyacı olan ailələrlə görüşlər davam etdirilir

Sosial qayğıya ehtiyacı olan ailələrə göstərilən xidmətlərin həcmi və keyfiyyətinin yüksəldilməsi, onların sosial müdafiəsinin gücləndirilməsi istiqamətində görülən tədbirlər çərçivəsində muxtar respublikanın şəhər və rayonlarında aztəminatlı ailələrlə görüşlər keçirilir, yardımlar göstərilir.

Növbəti belə tədbir Naxçıvan Muxtar Respublikası Əmək və Əhalinin Sosial Müdafiəsi Nazirliyinin, Ailə, Qadın, Uşaq Problemləri üzrə Dövlət Komitəsinin birgə təşkilatçılığı ilə Naxçıvan şəhəri və Şərur rayonunda olub.

Naxçıvan şəhərindən İsmayılovlar, Şərur rayon Dərvişlər kəndindən isə Abdullayevlər ailəsi ilə keçirilən görüşlərdə nazirlik və komitə əməkdaşları sakinlərin qayğıları ilə maraqlanıb, onlara sovqatlar təqdim ediblər.

Sosial qayğıya ehtiyacı olan şəxslər göstərilən qayğıya görə minnətdarlıqlarını bildiriblər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir