2024-cü ilin birinci rübündə ABŞ-də aktivləşdirilmiş smartfonların yalnız 33 faizi “iPhone”ların payına düşüb ki, bu da 2017-ci ildən bəri “Apple”ın ən pis göstəricisidir.
Bu, “Consumer Intelligence Research Partners“in (CIRP/ İstehlakçı İntellektinin Tədqiqat Qrupu) apardığı araşdırma nəticəsində məlum olub.
CIRP hesab edir ki, “Apple” əsas iki səbəbə görə eniş yaşayır.
Birincisi, “iPhone”un keyfiyyətinin yaxşılaşdırılmasıdır ki, bu da cihazların istifadə müddətini artırıb.
İkincisi, innovasiyaların tətbiqi tempinin yavaşlaması və ümumilikdə onların əhəmiyyətinin azalmasıdır. Qeyd olunur ki, amerikalıları “Apple” smartfonlarını almağa sövq edən yeni funksiyalar “iPhone”da getdikcə daha az yayılır.
Mənbə: 9to5mac.com
Xeberal.az
