“Baş Prokurorların Əlaqələndirmə Şurası çərçivəsində əməkdaşlıq MDB ölkələrində təhlükəsizliyin və asayişin təmin edilməsində əsas amildir”.
“Report” xəbər verir ki, bu, Müstəqil Dövlətlər Birliyinin (MDB) Baş katibi Sergey Lebedevin MDB-nin iştirakçı dövlətlərinin Baş Prokurorlarının Əlaqələndirmə Şurasının 33-cü iclasına göndərdiyi məktubda əks olunub.
Rusiyanın baş prokuroru İqor Krasnov tərəfindən səsləndirilən məktubda şura üzvlərinin təhlükəsizliyin möhkəmləndirilməsi sahəsində məqsədyönlü dövlətlərarası proqramların həyata keçirilməsində səmərəli iştirakı qeyd olunur:
“Təhlükəsizliyin möhkəmləndirilməsinə yönəlmiş məqsədyönlü dövlətlərarası proqramların həyata keçirilməsində səmərəli iştirakına görə şura üzvlərinə minnətdarlığımı bildirmək istəyirəm. MDB-nin İcraiyyə Komitəsi ilə Konstitusiya Məhkəməsinin katibliyi arasında yüksək səviyyədə qarşılıqlı fəaliyyət və etimadı xüsusilə qeyd etmək istərdim. Bu, işimizin nəticələrinə müsbət təsir göstərir. Məmnunluq hissi ilə qeyd edirik ki, budəfəki iclasın gündəliyinə prokurorluğun maraqları naminə baza təşkilatlarının peşə hazırlığının keyfiyyətinin yüksəldilməsi və fəaliyyətinin təşkili ilə bağlı tədbirlər daxil edilib. Həmçinin, biz MDB-nin qanunvericilik bazasının inventarlaşdırılması istiqamətində görülən işləri alqışlayırıq”.
Bundan əlavə, iclasda müzakirə olunan bütün məsələlərlə bağlı razılaşdırılmış qərarlar qəbul ediləcək ki, bu da qarşılıqlı faydalı əməkdaşlığın inkişafı istiqamətində növbəti addım olacaq, fikir mübadiləsi üçün platforma yaradacaq və gələcək inkişafa xidmət edəcək.
Xeberal.az
