Pakistanın Baş naziri Məhəmməd Şahbaz Şərif Azərbaycanın bu ölkədəki səfiri Xəzər Fərhadovu qəbul edib.
Bu barədə X.Fərhadov “Twitter”dəki hesabında yazıb.
“Pakistanın Baş naziri Məhəmməd Şahbaz Şərif tərəfindən qəbul edilməkdən şərəf duyuram”, – səfir qeyd edib.
Görüşdə “SOCAR Trading” şirkətinin icraçı direktoru Məryəm Almaszadə də iştirak edib.
Honored to have been received by the Prime Minister of Pakistan H.E. Mr. Muhammad Shehbaz Sharif @CMShehbaz today along with Ms. Mariam Almaszade- Chief Executive Officer of SOCAR Trading. pic.twitter.com/TJmTwpm4Ze
— Khazar Farhadov 🇦🇿 (@k_farhadov) July 24, 2023
Qeyd edək ki, ötən gün Pakistan və Azərbaycan arasında bir il müddətinə çevik şərtlərlə mayeləşdirilmiş təbii qazın (LNG) alınmasına dair çərçivə sazişi imzalanıb. “Pakistan LNG Limited” (PLL) şirkəti ilə Azərbaycan Dövlət Neft Şirkəti (SOCAR) arasında Lahorda imzalanmış müqaviləyə Baş nazir Məhəmməd Şahbaz Şərif şahidlik edib.
Bu münasibətlə çıxış edən baş nazir bu müqavilənin müddətinin bir il olduğunu və daha bir il uzadıla biləcəyini bildirib. Ş.Şərif sazişi Pakistan və Azərbaycan arasında qardaşlıq münasibətlərində mühüm mərhələ adlandırıb. O, bu sazişdə mühüm rol oynadığına görə Azərbaycan Prezidentinə təşəkkür edib.
Xeberal.az
