İranın Gilan əyalətinin Ənzəli şəhərindən olan 74 yaşlı tanınmış rejissor Kiyumərs Purəhməd intihar edib.
Bu barədə “Azad İran” “Telegram” kanalı xəbər verib.
Bununla bağlı rejissorun yaxınları məlumat yayıblar.
İranın SEPAH və hakimiyyətə bağlı mediası rejissorun ürək çatışmazlığından dünyasını dəyişdiyini iddia etsə də, onun yaxınları bunu təkzib ediblər. Onlar rejissorun ölkədə baş verən hadisələrdən və hakim durumdan sarsıldığını deyiblər. Sənət adamının depressiyaya düşdüyü və bu səbəbdən səkkiz səhifəlik intihar məktubu yazdıqdan sonra özünə qəsd etdiyi bildirilir.
Xeberal.az
