Azərbaycan yazıçılarının əsərlərini Türkiyə türkcəsinə uyğunlaşdıran tərcüməçi Abdulkadir Özkan Kahramanmaraşda baş verən zəlzələdə həlak olub.
Bu barədə teatrşünas Anar Bürcəliyev sosial şəbəkə hesabında məlumat yayıb.
O bildirib ki, zəlzələ tərcüməçinin ailə üzvlərinin də həyatına son qoyub:
“Abdulkadir Özkan Azərbaycan ədəbiyyatının ən yaxın dostu kimi xatirələrdə yaşayacaq”.
Qeyd edək ki, fevralın 6-da Türkiyədə baş vermiş güclü zəlzələ nəticəsində Kahramanmaraş, Qaziantep, Şanlıurfa, Diyarbəkir, Adana, Adıyaman, Osmaniye, Hatay, Kilis, Malatya və Elazığda 12 873 nəfər həyatını itirib, 62 937 şəxs xəsarət alıb.
Xeberal.az
