Azərbaycan Mərkəzi Bankı (AMB) və Dünya Bankı (WB) 2024-2028-ci illər yeni Ölkə Tərəfdaşlıq Çərçivəsinin hazırlanmasını müzakirə edib.
Bunu AMB-nin sədri Taleh Kazımov özünün “X” sosial şəbəkəsindəki hesabında bildirib.
“AMB-də ölkəmizdə səfərdə olan WB-nin Cənubi Qafqaz üzrə yeni regional direktoru xanım Roland Prays və Azərbaycan üzrə ölkə meneceri xanım Stefani Stollmaysterlə görüşdük, WB-nin Azərbaycandakı cari fəaliyyəti, həyata keçirilən layihələr və gələcək əməkdaşlıq perspektivləri, yeni Ölkə Tərəfdaşlıq Çərçivəsinin (2024-2028) hazırlanması üzrə fikir mübadiləsi apardıq. Eyni zamanda WB və AMB arasında həyata keçirilən texniki yardım layihələri ətrafında müzakirə apardıq”, – deyə o qeyd edib.
Bu gün Mərkəzi Bankda ölkəmizdə səfərdə olan Dünya Bankının (#DB) Cənubi Qafqaz üzrə yeni regional direktoru xanım Rolande Pryce (@RSCPryce) və Azərbaycan üzrə ölkə meneceri xanım Stefanie Stallmeisterlə görüşdük. Görüş zamanı DB-nin Azərbaycandakı cari fəaliyyəti, həyata… pic.twitter.com/PYihFNdbXx
— Taleh Kazimov (@TalehKazimov_T) September 22, 2023
Xeberal.az
