Barselona məhkəməsi Çempionlar Liqasının üçqat qalibi braziliyalı futbolçu Dani Alveşi cinsi təcavüzdə ittiham edib.
Məlumata görə, məhkəmə 2022-ci ilin dekabrında Barselonada baş verən hadisələrlə bağlı iş üzrə idmançıya qarşı istintaqı yekunlaşdırıb.
Alveş çərşənbə günü məhkəmə qarşısına çıxmalı və onun barəsində qərar elan edilməlidir. Məhkəmə həmçinin 150 000 avro məbləğində girov təyin etmək qərarına gəlib ki, bu da onun həbsdən buraxılması anlamına gəlmir.
Qeyd edək ki, Alveşin 40 yaşı var. O, 2022-ci ilin iyulundan Meksikanın “Pumas” klubunda çıxış edir. Müdafiəçi 43 kubokla tarixin ən titullu futbolçusudur.
Mənbə: TASS
Xeberal.az
