Roma prokurorluğu Roma Papası Fransiskini əməliyyat etdirən cərrah Serxio Alfieri ilə bağlı istintaqa başlayıb.
Qeyd olunub ki, həkim qəsdən yalan məlumat verməkdə ittiham olunur.
İş materiallarına görə, Alfieri əməliyyat sənədlərinə imza atıb, baxmayaraq ki, o, özü əməliyyat otağında olmayıb, xəstələri isə fərdi şəkildə qəbul edib.
Müstəntiqlər Romadakı Agostino Gemelli Xəstəxanasının (“Policlinico Universitario Agostino Gemelli”) rəhbərliyinin bu təcrübədən xəbərdar olub-olmadığını araşdırırlar.
Qeyd edək ki, Alfieri 2021 və 2023-cü illərdə Papanın üzərində iki qarın əməliyyatı keçirib. Romada yerləşən “Agostino Gemelli” Xəstəxanası “Papanın” hesab olunur və təkcə indiki pontifik deyil, həm də II İohann Pavel (1920-2005) orada bir neçə dəfə müalicə olunub.
Mənbə: Gazeta.ru
Xeberal.az
