“Yaşadığım evin yaxınlığında mənə aid olan avtomobil yanıb. Hazırda araşdırma gedir, yanğının necə olduğu barədə dəqiq məlumat yoxdur”.
Bu barədə Oxu.Az-a açıqlamasında Sumqayıt şəhəri Təbiət elmləri təmayüllü gimnaziyanın müdiri Nizami Əhmədov məlumat verib.
O bildirib ki, nəqliyyat vasitəsi rəsmi olaraq oğlunun adına olsa da, özü idarə edirdi:
“Hadisə dünən axşam saatlarında Sumqayıtda, 6-cı mikrorayon ərazisində, yaşadığımız evin yaxınlığında olub. Maşının necə yandığı barədə dəqiq məlumat yoxdur. Aidiyyəti qurumlar tərəfindən araşdırma aparılır”.
Könül Cəfərli
Xeberal.az
