“Biz bir sıra addımlar atacağıq ki, metroda orta hərəkət intervalını daha da aşağı salaq”.
Oxu.Az xəbər verir ki, bu barədə rəqəmsal inkişaf və nəqliyyat nazirinin müavini Rəhman Hümmətov bu gün keçirilən Azərbaycanda Mobilliyin Transformasiyası Proqramının təqdimatında çıxışı zamanı deyib.
R.Hümmətov deyib ki, aparılan işlər nəticəsində metroda sərnişin artacaq:
“Dövlətimizin metroya diqqəti böyükdür. Məhz bu diqqət nəticəsində indiyə qədər yeni vaqonlar alınıb. İnanıram ki, bundan sonra da yeni vaqonların alınması davam edəcək. Bu isə metroya sərnişin axınını artıracaq”.
Nazir müavini həmçinin yollarda rənglərin silinməsinə də münasibət bildirib. Onun sözlərinə görə, bu, bəzən rənglənmə zamanı tələb edilən maddənin miqdarının normadan az işlənməsi ilə bağlıdır və onun da keyfiyyətinin artırılması istiqamətində addımlar atılır.
Könül Cəfərli
Xeberal.az
