2023-cü ilin yanvar-sentyabr aylarında azad edilmiş rayonlarda tikinti quraşdırma işlərinə 3 milyard 870 milyon 593 min manat vəsait sərf edilib.
Bu barədə Dövlət Statistika Komitəsi məlumat yayıb.
Bildirilib ki, bu göstəricinin həcmi ötən ilin müvafiq göstəricisi ilə müqayisədə 2,1 dəfə və ya 2 milyard 41 milyon 758 min manat çoxdur. Belə ki, 2022-ci ilin ilk 9 ayında azad edilmiş rayonlarda tikinti quraşdırma işlərinə 1 milyard 828 milyon 865 min manat vəsait yönəldilib.
Qeyd edək ki, bu dövrdə tikinti quraşdırma işlərinə sərf edilən vəsait 2022-ci ilin müvafiq dövrü ilə müqayisədə Laçında 7,5 dəfə, Kəlbəcərdə 3,2 dəfə, Ağdamda 2,7 dəfə, Füzuli və Şuşada isə 2 dəfə artırılıb.
Əlavə edək ki, hesabat dövründə ən çox vəsait Laçın (983 milyon 43 min manat), Kəlbəcər (650 milyon 370 min manat) və Füzuli (585 milyon 624 min manat) rayonlarına ayrılıb.
| Azad edilmiş rayonlar | 2022-ci ilin ilk 9 ayı, min manatla | 2023-cü ilin ilk 9 ayı, min manatla |
| Laçın | 130 681 | 983 043 |
| Xocavənd | 131 339 | 87 304 |
| Kəlbəcər | 201 541 | 650 370 |
| Füzuli | 296 210 | 585 624 |
| Zəngilan | 352 776 | 367 889 |
| Ağdam | 128 459 | 341 420 |
| Cəbrayıl | 326 598 | 334 275 |
| Şuşa | 159 224 | 332 300 |
| Qubadlı | 101 942 | 188 330 |
| Xocalı | 95 | 38 |
Xeberal.az
