Bu ilin yanvar-sentyabr aylarında Azərbaycanda suvarma kanalları və kollektor-drenaj şəbəkələrində 30 milyon 662 min kubmetr həcmində lildən təmizləmə işləri aparılıb.
Bu barədə “Report”un sorğusuna cavab olaraq “Azərbaycan Meliorasiya və Su Təsərrüfatı” ASC-dən bildirilib.
Hesabat dövründə magistral kollektor-drenaj şəbəkələri vasitəsilə Xəzər dənizinə 2,363 milyard kubmetr həcmində qrunt suları axıdılıb, 11 min 815 ton duz kənarlaşdırılıb.
Ümumilikdə bu ilin 9 ayı ərzində görülmüş tədbirlər nəticəsində 120 hektar yeni suvarılan sahə əkin dövriyyəsinə cəlb edilib, 10 min 144 hektar sahənin su təminatı və 800 hektar sahənin isə meliorativ vəziyyəti yaxşılaşdırılıb.
Xeberal.az
