Bu gün Vətən müharibəsində Gəncə şəhərinin Ermənistan silahlı qüvvələri tərəfindən ilk raket hücumuna məruz qalmasından üç il ötür.
Ermənilərin atdığı raketlər 2020-ci il oktyabrın 4-də səhər saatlarında Gəncə şəhərində sakinlərin yaşadığı ikimərtəbəli binaya və fərdi yaşayış evlərinə düşüb.
Nəticədə Tunar Qoşqar oğlu Əliyev şəhid olub, digər 32 mülki şəxs isə yaralanıb. Həmçinin mülki infrastruktura və qədim tarixi tikililərə də ziyan dəyib.
Terror qurbanı olan 20 yaşlı Tunarın anası Validə Əliyeva Baku TV-yə həmin dəhşətli gündən danışıb.
“Onunla bərabər hər şeyimi itirdim. Hərbi xidmətdən gəlməyinin bir ili tamam olmamışdı, işə təzə başlamışdı. İş yoldaşları ilə əsgərlərə yardım apararkən yolda terrorun qurbanı oldu”, – deyə şəhidin anası söyləyib.
Ətraflı Baku TV-nin videosunu təqdim edirik:
Xeberal.az
