Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət qulluqçusu Orxan Elxan oğlu Novruzəlizadə şəhid olub.
Baku TV xəbər verir ki, şəhid Orxan Novruzəlizadənin atası Elxan Novruzəlizadə, çətin də olsa, oğlu barədə danışıb.
Şəhid atası qeyd edib ki, oğlu bu gün evə gəlməli imiş:
“İki qız, iki oğul idilər. Orxan ən balacaları idi. Ən çox istədiyim o idi… Bu gün gələcəkdi, dedi ki, sabah gələcək”.
E.Novruzəlizadənin sözlərinə görə, həyat yoldaşı da bir müddət əvvəl vəfat edib, heç ili də çıxmayıb.
Xeberal.az
