44 günlük Vətən müharibəsində şəhid olan qəhrəman oğullardan biri də Azərbaycan Silahlı Qüvvələrinin kəşfiyyatçısı Etibar Şirinovdur.
O, Birinci Qarabağ müharibəsində döyüşən atasının yolunu davam etdirmək arzusunda olub. İgidliyi ilə dillərə dastan olan Etibar Şirinov böyük Zəfərin də sevincini yaşayıb.
Elə noyabrın 8-də sonuncu dəfə anası ilə danışıb. “Şuşa azad edilmişdi. Etibar zəng edəndə dedi ki, sabah Bayraq Günüdür, qapıdan bayraq asarsan. Sağollaşdı bizimlə. Dedi, sabah geri qayıdacağam”, – deyə şəhid anası Əfruz Şirinova qeyd edib. İndi İsmayıllı rayonunun İvanovka kəndində böyüyən Etibarların sayı günü-gündən artır.
“İsmayıllı canavarı” kimi yaddaşlarda qalan qəhrəman artıq tək bir kəndin deyil, bütün el-obanın fəxridir.
Ətraflı Baku TV-nin süjetini təqdim edirik:
Xeberal.az
