Əməkdar artistlər Rafael İsgəndərov və Ayşad Məmmədov mərhum Hüseynağa Atakişiyevin yaratdığı Dövlət Gənclər Teatrında olublar.
Axşam.az xəbər verir ki, R.İsgəndərov video çəkərək xatirələrini bölüşüb:
“Bu video Hüseynağa Atakişiyevin rəhbərliyi altında Dövlət Gənclər Teatrında işləmiş aktyor və aktrisalara həsr olunur. Allah dünyasını dəyişənlərə rəhmət eləsin.
Aktyorlar evində tamaşaya dəvət olunmuşuq. Ayşadla burada cavanlığımız keçib, gözəl rollar oynamışıq. Qrim otağımızda odun sobası yanırdı. Kartofu orada bişirib yeyirdik. Yoxumuz idi, nə edək. Yaxşı vaxtlar idi. Heyif… Heyif Hüseynağa müəllimdən. Artıq o və gözəl tamaşalar yoxdur. Rəhmətə getdi və bizi yetim qoydu”.
Xeberal.az
