Dördüncü Sənaye İnqilabının Təhlili və Koordinasiya Mərkəzi (4sim.gov.az) “4Sİ Akademiyası” (Dördüncü Sənaye İnqilabı Akademiyası) layihəsinə start verib.
Oxu.Az xəbər verir ki, bu barədə iqtisadiyyat naziri Mikayıl Cabbarov özünün “X” sosial şəbəkə hesabında yazıb.
“Layihə çərçivəsində 4Sİ texnologiyaları, o cümlədən süni intellekt, data analitika, blokçeyn, bulud texnologiyaları, proqramlaşdırma dili və digər sahələr üzrə bilik və bacarıqlarını artırmaq istəyən 10 minə yaxın şəxs “Coursera” şirkətinin təqdim etdiyi 700-dən çox kursa ödənişsiz qoşula biləcək. Layihə Dördüncü Sənaye İnqilabı texnologiyaları sahəsində bilik və bacarıqların inkişaf etdirilməsi və əmək bazarında bu sahə üzrə ixtisaslı kadrların hazırlanmasına töhfə verəcək”, – deyə nazir qeyd edib.
Dördüncü Sənaye İnqilabının Təhlili və Koordinasiya Mərkəzi (@4simgovaz) “4Sİ Akademiyası” (#DördüncüSənayeİnqilabı Akademiyası) layihəsinə start verib. Layihə çərçivəsində 4Sİ texnologiyaları, o cümlədən #süniintellekt, data analitika, blokçeyn, bulud texnologiyaları,… pic.twitter.com/9gHLJt9pqD
— Mikayil Jabbarov (@MikayilJabbarov) August 30, 2023
Xeberal.az