“Qiymət artımı, bahalaşma bu gün də davam edir. İlin ilk iki ayının nəticələrinə görə, hər ay 1,5 faizə qədər bahalaşma müşahidə olunub. Qabaqlayıcı tədbirlər olmasa, ilin sonuna qədər qiymətlər 17-18 faiz arta bilər. Problemin həlli ilə bağlı hökumət hədəfli siyasət aparmalıdır. Məsələn, əməkhaqqı fondu və sosial xərclər istiqamətinə yenidən baxıla bilər”.
Bunu Bakupost.az -a açıqlamasında iqtisadçı-ekspert Rəşad Həsənov deyib.
O bildirib ki, iqtisadiyyatın şaxələndirilməsi, biznesin dəstəklənməsi, güzəştli kreditlərin verilməsi istiqamətində addımlar atılmalıdır:
“İnstitusional islahatlara diqqət edilməsi də vacibdir. Çünki fundamental dəyişikliklər olmasa, iqtisadi göstəricilərin yüksəlməsi də çətinləşir”.
Xeberal.az
