AFFA İntizam Komitəsi üç futbolçunu cəzalandırıb.
Bu barədə AFFA məlumat yayıb.
Bildirilib ki, buna onların rəqib futbolçuları təhqir etməsi səbəb olub.
Xoşagəlməz hadisə Əvəzedicilər Liqasında XXXI turun “Zirə-2” – “Neftçi-2” oyununda baş verib.
52-ci dəqiqədə Ramin Abdullayev qonaq komandanın futbolçusunu təhqir etdiyinə görə birbaşa qırmızı vərəqə alıb. “Neftçi-2”nin heyətində isə eyni səbəbdən 75-ci dəqiqədə Fərid Səfərli, 78-ci dəqiqədə isə İbrahim Novruzov meydandan qovulublar.
Hər üç futbolçu üçoyunluq cəzalanıb. “Zirə-2” 200 manat, “Neftçi-2” isə 400 manat cərimə ödəyəcək.
Xeberal.az
