“Qəbələ” vəziyyətdən çıxmaq üçün hər oyunda iradə göstərməlidir”.
Bunu “Report”a açıqlamasında “Qəbələ”nin sabiq baş məşqçisi Elmar Baxşıyev deyib.
Fevralın 24-də “qırmızı-qaralar”la yollarını ayıran 44 yaşlı mütəxəssis hazırda Premyer Liqada turnir cədvəlinin sonuncu pilləsində qərarlaşan bölgə təmsilçisinə bundan sonrakı dönəmdə uğurlar arzulayıb:
“Kəpəz”dən 8 xal geri qala bilərlər. Amma hər şey mümkündür. “Qəbələ”nin istədiyi yerlərdə qərarlaşmasını arzulayıram”.
Çalışdırıcı 2019-cu ildən rəhbərlik etdiyi komandanın cari mövsüm zəif nəticələr göstərməsinə də münasibət bildirib:
“Uğursuz çıxışa səbəb çoxdur. Komandadan çox sayda oyunçu getdi, kifayət qədər zədəli və cəzalılarımız oldu. Biz də Premyer Liqanın XXIV turunda “Kəpəz”lə (1:2) qarşılaşmadan sonra rəhbərliklə görüşdük və yolları ayırmağı qərara aldıq”.
Qeyd edək ki, “Qəbələ” iki gün əvvəl gürcüstanlı Kaxaber Sxadadzeni baş məşqçi postuna təyin edib.
Xeberal.az
