Bələdiyyələr birləşdirilərkən əhalisinin sayı ən çox olan bələdiyyənin adına uyğun adlandırılacaq.
“Report”un xəbərinə görə, bu, “Bələdiyyələrin birgə fəaliyyəti, birləşməsi, ayrılması və ləğv edilməsi haqqında” Qanuna dəyişiklik layihəsində əksini tapıb.
Dəyişikliyə əsasən, Milli Məclis əhalisinin sayı 3 000 nəfərdən və ya ev təsərrüfatlarının sayı 1 000 vahiddən az olan bələdiyyədə yaranan sosial-iqtisadi vəziyyət, tarixi və digər yerli xüsusiyyətlər nəzərə alınmaqla həmin bələdiyyənin digər bələdiyyə ilə birləşdirilməsi ilə bağlı Azərbaycan Respublikası qanunvericiliyinə müvafiq surətdə qərar qəbul edəcək.
Xeberal.az
