Çimərlik futbolu üzrə Azərbaycan millisi İtaliyanın Alqero şəhərində təşkil olunan Avropa Superfinalında keçirdiyi ikinci oyunda məğlubiyyətlə üzləşib.
AFFA-nın saytının yaydığı məlumata görə, Zeynal Zeynalovun baş məşqçi olduğu kollektiv Rumıniya ilə bacarmayıb.
Qarşılaşma rəqibin 4:2 hesablı qələbəsi ilə bitib. Azərbaycan yığmasının qollarını Sabir Allahquliyev və Orxan Məmmədov vurublar.
Qeyd edək ki, milli ötən gün Türkiyəni məğlub edib. Sentyabrın 21-də keçiriləcək növbəti oyunda rəqib İsveçrə yığması olacaq.
Xeberal.az
