“Qarabağ” Avropa Liqasının pley-off mərhələsinin cavab oyununda “Olimpiya” (Sloveniya) ilə heç-heçə edərək Azərbaycanın UEFA reytinqindəki xallarını artırıb.
Oxu.Az xəbər verir ki, 1:1 hesablı bərabərlik ölkəmizin aktivini 0,125 artırıb. Xalı 16,875-ə çatan Azərbaycan əvvəlki kimi 29-cu sırada qərarlaşıb.
28-ci pillədə 17,375 xalla Slovakiya yer alıb. Slovakiyanın Azərbaycandan fərqli olaraq avrokuboklarda iki klubu qaldığından bu mövsüm onları keçmək mümkün görünmür.
