“Neftçi”yə baş məşqçi təyin olunmaq mənim üçün böyük şərəfdir”.
Oxu.Az xəbər verir ki, bu sözləri “Neftçi”nin yeni baş məşqçisi Adrian Mutu özünün sosial şəbəkə hesabında yazıb.
O bildirib ki, məqsədi “Neftçi”ni Azərbaycanda layiq olduğu yerə qaytarmaqdır:
“Neftçi”nin nəhəng layihəsi var. Bu layihəyə klubun yenidən qurulması və müasir Avropa futbol klubu konsepsiyasına uyğun modernləşdirilməsi daxildir. Klub rəhbərliyi ilə söhbət zamanı bu layihə məni heyran etdi.
Bilirəm ki, hazırkı vəziyyət azarkeşlərimizi, “Neftçi” ailəsini narahat edir. İndiki vəziyyət komandanın fanatlarını ağrıdır. Bu vəziyyəti dəyişmək və azarkeşlərimizi sevindirmək üçün bütün biliyimi, təcrübəmi, təcrübəmi sərf edəcəyəm. “Neftçi”nin taleyi şöhrətdir. Gec-tez “Neftçi” Avropada böyük işlər görəcək. Sevinirəm ki, bunu daha tez həyata keçirmək üçün mənim şansım yaranıb. Başa düşürük ki, bunlar etmək müəyyən vaxt aparacaq. Amma komanda ilə işə başlamaq və onu təkmilləşdirməyə çalışmağı səbirsizliklə gözləyirəm.
Məqsədim “Neftçi”ni layiq olduğu yerə qaytarmaq, dominantlıq etmək və Azərbaycanı Avropada qürur və şərəflə təmsil etməkdir”.
Yeni çalışdırıcı “ağ-qaralar”ın azarkeşləri barədə də fikirlərini qeyd edib:
“Neftçi” Azərbaycanda ən böyük və ən çılğın azarkeş bazasına malik klubudur. Onlar Avropada çılğınlıqları və sədaqətləri ilə tanınırlar. Ümid edirəm ki, fanatlarla yaxşı əlaqə yaradacam. Çünki onlar bu komandanın ruhunu daim yaşadırlar”.
Xeberal.az
