UEFA Millətlər Liqasında təsnifat mərhələləri təşkil oluna bilər.
Bu barədə Avropa futbol qurumunun prezidenti Aleksander Çeferin qurumun 47-ci Konqresində çıxışında deyib.
“Sağ qalmaq üçün müasir dövrə uyğunlaşmalıyıq. Federasiyalar və bütün maraqlı tərəflərlə geniş müzakirələrdən sonra klub yarışları üçün cəsarətli yeni formatlar təqdim etmək üçün əlimizdən gələni edirik. 2024-cü ildən etibarən kişi və qadın futbolunda, eləcə də, Millətlər Liqasında seçmə mərhələ strukturları ilə bağlı müzakirələr gedir”, – deyə A.Çeferin bildirib.
Millətlər Liqasının hazırkı formatında təsnifat mərhələləri yoxdur. UEFA-ya üzv bütün milli assosiasiyaların yığma komandaları birbaşa əsas turnirdə çıxış edirlər. Dəyişiklik baş verərsə, Azərbaycan kimi aşağıreytinqli komandalar əsas mərhələdə iştirakdan öncə təsnifat raundlarını keçməli olacaqlar.
Mənbə: UEFA
Xeberal.az
