Əliyar Ağayev UEFA-dan növbəti dəfə təyinat alıb.
Qitə futbol qurumunun rəsmi saytının yaydığı məlumata görə, o, AVRO-2024-ün seçmə mərhələsinin G qrupunda keçiriləcək Bolqarıstan – Monteneqro ilk tur matçında iş başında olacaq. Qarşılaşmada FIFA referisinə Zeynal Zeynalov və Akif Əmirəli kömək edəcəklər. Kamal Umudlu ehtiyat hakim olacaq.
Azərbaycanlı hakimlərin işinə portuqaliyalı hakim-inspektor Joao Ferreyra qiymət verəcək.
Sözügedən qarşılaşma martın 24-də keçiriləcək.
Xeberal.az
