Harri Keyn İngiltərə yığmasının DÇ-2022-dən ayrılmasından sonra azarkeşlərə müraciət edib.
Dünən Qaret Sautqeytin komandası Fransaya 1:2 hesabı ilə uduzaraq dünya çempionatının 1/4 final mərhələsində mübarizəni dayandırıb. 84-cü dəqiqədə İngiltərə yığması penalti hüququ qazansa da, Keyn zərbəni qapının üstündən vurub.
“Tamamilə tükənmişəm. Biz əlimizdən gələni etdik. Hər şey məsuliyyəti öz üzərimə götürüdüyüm kiçik bir detala görə oldu. Bundan gizlənə bilməzsən, bu, ağrılıdır. Özünə gəlmək üçün vaxt lazımdır, amma bu, idmanın bir hissəsidir.
İndi təcrübədən istifadə edərək yeni bir çağırış üçün əqli və fiziki cəhətdən daha güclü olmalısınız. Turnir boyu dəstəyinizə görə təşəkkür edirəm. Bu, çox şey deməkdir”, – İngiltərə millisinin kapitanı yazıb.
Now it’s about using the experience to be mentally and physically stronger for the next challenge. Thanks for all the support throughout the tournament – it means a lot. ?
— Harry Kane (@HKane) December 11, 2022
Xeberal.az
