“Ukrayna artıq Rusiyanın Qara dənizin qərb hissəsinə nəzarət etmək imkanlarını böyük ölçüdə neytrallaşdırıb”.
Bu barədə Britaniya kəşfiyyatının iyunun 21-nə olan Ukraynadakı müharibəyə dair icmalında deyilir.
İcmalda xatırladılır ki, iyunun 17-də Ukrayna Rusiya gəmisinin Zmeyinı adası yaxınlığında məğlub olduğunu elan edib ki, burada “dəqiq hədəf”in adaya silah və şəxsi heyəti çatdıran Rusiyanın “Spasatel Vasili Bex” yedək gəmisi olduğunu demək olar. Bunu isə Qərb tərəfdaşları tərəfindən təmin edilən “Harpoon” gəmi əleyhinə raketlərdən ilk uğurlu istifadə hesab etmək olar.
“Rusiya gəmisinin məhv edilməsi Rusiyanın Zmeyinını işğal edən hərbçilərini dəstəkləmək cəhdlərində üzləşdiyi çətinlikləri nümayiş etdirir… Ukraynanın sahil müdafiə imkanları Rusiyanın dəniz üzərində nəzarəti bərqərar etmək və Qara dənizin şimal-qərbində qüvvələr yerləşdirmək imkanlarını əhəmiyyətli dərəcədə neytrallaşdırdı. Bu, Odessa vilayətinə dənizdən təhlükə yaratmağı nəzərdə tutan Rusiya işğalının ilkin əməliyyat planının həyata keçirilməsinə maneə oldu”, – deyə icmalda qeyd edilir.
İcmalda bir gün əvvəl Ukrayna ilə müharibədə Rusiya Hərbi Hava Qüvvələrinin kifayət qədər effektiv olmadığı və bu, Rusiya Federasiyasının çox məhdud uğurunu şərtləndirən amillərdən birinə çevrilə biləcəyini bildirilib.
Mənbə: Evropeyskaya pravda
Xeberal.az
