ABŞ-nin cinayət işləri üzrə Vəkillər Assosiasiyası və “Electronic Frontier” fondu Pensilvaniya Ali Məhkəməsindən “Google”a açar sözlər üzrə rəqəmsal axtarışda polisə kömək etməyi dayandırmağı xahiş edib.
Hüquqşünaslar hesab edirlər ki, “Google”un köməyi ilə polis istifadəçilərin şəxsi həyatına müdaxilə edir. Onların fikrincə, bu praktika Konstitusiyaya ziddir.
Hüquq-mühafizə orqanları 2016-cı ildən Pensilvaniyada qadını zorlayan cinayətkarın müvəffəqiyyətlə yaxalanmasından sonra “Google” ilə işləyir. Məlum olub ki, təcavüzkar “Google” xidmətlərindən istifadə edərək qurbanın adını və ünvanını axtarırmış. Bu hadisədən sonra “rəqəmsal izləmə” praktikası geniş yayılıb.
Qeyd edək ki, oktyabr ayında Kolorado məhkəməsi rəqəmsal nəzarəti qadağan etməkdən imtina edib. Eyni zamanda məhkəmə qeyd edib ki, polis bu üsula yalnız ağır cinayətlərin araşdırılması zamanı müraciət edə bilər.
Mənbə: Bloomberg
Xeberal.az
