İsrail Müdafiə Qüvvələri (İDF) HƏMAS-ın Siyasi Bürosunun rəhbəri İsmayıl Haniyənin iqamətgahına zərbə endirib.
Bu barədə İsrail Müdafiə Qüvvələrinin rəsmi “Telegram” kanalında məlumat verilib.
Məlumata görə, İsmayıl Haniyənin terror infrastrukturu kimi istifadə edilən iqamətgahı HƏMAS-ın yüksək rütbəli liderlərinin İsrail mülki əhalisinə və İDF əsgərlərinə qarşı terror aktları həyata keçirmələri üçün toplandıqları görüş yeri olub.
Həmçinin İsrail Müdafiə Qüvvələri Şati düşərgəsinin ələ keçirilməsi zamanı HƏMAS-ın hərbi-dəniz qüvvələrinə məxsus gizli silah anbarı aşkar edib ki, burada sursatlar, partlayıcı qurğular və silahların olduğu üzə çıxıb. Anbar məhv edilib.
Xeberal.az
