Türkiyənin Hatay şəhərində 4,9 maqnitudalı zəlzələ olub.
Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Bildirilib ki, yeraltı təkanların ocağı 8,28 km dərinlikdə olub. Təbiət hadisəsi 05:32-də (Bakı vaxtı ilə 06:32-də) qeydə alınıb. Gaziantep, Adana, Osmaniye və digər yaxın bölgələrdə də zəlzələ hiss olunub.
İtkilər və ya dağıntı barədə hələlik məlumat yoxdur.
Xeberal.az
