“İnter Mayami”nin ulduz futbolçuları Lionel Messi və Jordi Alba ABŞ Açıq Kubokunun final matçını buraxa bilərlər.
Buna səbəb onların ABŞ çempionatında ötən gecə baş tutan “Toronto” ilə matçda (4:0) sıradan çıxmasıdır. Qarşılaşmanın 34-cü dəqiqəsində ispaniyalı müdafiəçi, 37-ci dəqiqəsində isə argentinalı hücumçu zədə səbəbindən əvəzləniblər.
Baş məşqçi Xerardo Martino onların MLS-in növbəti turunda “Orlando Siti” ilə səfər görüşündə iştirak etməyəcəklərini açıqlayıb. Messi və Albanın “Hyuston”la final matçında meydana çıxıb-çıxmayacaqları isə bəlli deyil.
Qeyd edək ki, “İnter Mayami” ilə “Hyuston” arasında ABŞ Açıq Kubokunun final görüşü sentyabrın 28-də keçiriləcək.
Mənbə: sportbrief.com
Xeberal.az
