Rusiyanın Murmansk vilayətində sərnişin mikroavtobusu və yük avtomobilinin iştirakı ilə baş verən ağır yol-nəqliyyat hadisəsində 5 nəfər ölüb.
Bu barədə Rusiyanın Daxili İşlər Nazirliyinin vilayət üzrə idarəsinin Mətbuat Xidməti jurnalistlərə bildirib.
“Bu yol-nəqliyyat hadisəsi nəticəsində mikroavtobusun 4 sərnişini aldıqları xəsarətlərdən təcili tibbi yardım gələnə qədər hadisə yerində ölüblər. Daha sonra aldıqları xəsarətlərdən daha bir sərnişin (1953-cü il təvəllüdlü kişi) Peçenqa Mərkəzi Rayon Xəstəxanasının reanimasiya şöbəsində vəfat edib”, – məlumatda deyilir.
Xeberal.az
