Türkiyənin xarici işlər naziri Hakan Fidan Malayziyaya səfəri zamanı bəyan edib ki, ölkəsi ilə Cənub-Şərqi Asiya arasında genişlənmiş əməkdaşlıq qlobal vəziyyətə uzunmüddətli təsir göstərə bilər.
Onun sözlərinə görə, Türkiyə dünyada artan münaqişələrə sülh yolu ilə həll yolları axtarır.
“ASEAN (Cənub-Şərqi Asiya Dövlətləri Assosiasiyası – red.) həqiqətən də Cənub-Şərqi Asiyada sülh və rifahın bərqərar olması üçün mühüm platforma olub”, – Fidan əlavə edib.
Diplomat həmçinin qeyd edib ki, Türkiyə və ASEAN öz perspektivli regionlarında iqtisadi artımın əsas hərəkətverici qüvvəsidir.
Xatırladaq ki, Cakartada keçirilən ASEAN toplantısında iştirak etdikdən sonra H.Fidan Malayziyaya iki günlük səfərə gedib.
Mənbə: Daily Sabah
Xeberal.az
