“Prezident Rəcəb Tayyib Ərdoğanın siyasəti Türkiyənin simasını çox dəyişdi”.
Bunu Albaniyanın Baş naziri Edi Rama Yunanıstanda keçirilən Delfi İqtisadi Forumunda çıxışında deyib.
Hökumət başçısı Türkiyə Prezidenti Rəcəb Tayyib Ərdoğanın liderlik keyfiyyətlərini yüksək qiymətləndirib və onun ölkəsinin inkişafına xüsusi töhfə verdiyini vurğulayıb.
“Təbii ki, müxtəlif fikirlər söylənilə bilər, lakin onları müzakirə etməzdən əvvəl deməliyəm ki, Aİ-nin Ankaraya münasibəti çox mübahisəlidir”, – deyə Rama əlavə edib.
O, xatırladıb ki, Brüssel müvafiq islahatlar aparıldıqdan sonra Türkiyənin Aİ-yə üzvlüyünə söz verib, lakin nəticədə Ankara “qapıda qalıb”.
Rama Türkiyənin Avropa təhlükəsizliyi baxımından önəmini vurğulayıb.
“Avropa Birliyi Türkiyə faktorunu ciddi qəbul etməlidir”, – deyə siyasətçi qeyd edib.
Edi Rama Türkiyə lideri ilə şəxsi dostluq münasibətlərindən də danışıb.
Mənbə: “Anadolu” Agentliyi
Xeberal.az
