Səudiyyə Ərəbistanının ilk peşəkar qadın boksçusu Rəqad Əl-Naimi fevralın 26-da Ər-Riyadda ilk peşəkar döyüşündə qalib gələcəyini açıqlayıb.
“Qələbə qazanacağıma əminəm. Mən özümü məşqlərimə həsr etmişəm, həmişə ən yüksək səviyyədə çıxış etmək istəmişəm və beynəlxalq yarışlarda iştirak edə biləcəyimi sübut etmək əzmindəyəm”, – o bildirib.
Xanım vurğulayıb ki, beynəlxalq boks turnirində iştirak edən ilk səudiyyəli qadın olmaqdan olduqca qürur duyur.
“Heç vaxt düşünməzdim ki, bir gün öz ölkəmdə belə böyük beynəlxalq səhnədə çıxış edə biləcəyəm. Səudiyyə Ərəbistanı gənclərini dəstəkləyən və tərbiyə edən gənc, canlı ölkədir və mən fevralın 26-da keçiriləcək turnirdə iştirak edəcəyim üçün bunun bir hissəsi olmağı səbirsizliklə gözləyirəm”, – idmançı bəyan edib.
Qeyd edək ki, 28 yaşlı Əl-Naimi ABŞ-də təhsil alarkən boksla tanış olub və krallığa qayıdandan sonra bu idman növü ilə məşğul olmağa davam edib.
Mənbə: rossaprimavera.ru
Xeberal.az
