Niderland Hərbi Kəşfiyyat və Təhlükəsizlik Xidmətinin rəhbəri Yan Svillens fevralın 20-də bildirib ki, iki ölkənin diplomatik işçilərinin sayının bərabərləşdirilməsi çərçivəsində Rusiyadan olan 17 diplomat Niderlandı tərk etməli olacaq.
Xatırladaq ki, Niderland hakimiyyəti diplomatik nümayəndələrin sayının bərabərləşdirilməsini fevralın 18-də elan etmişdi. Bu uyğunlaşdırmadan sonra Haaqada işləyən rusiyalı diplomatların sayı Moskvadakı niderlandlı diplomatların sayına bərabər olacaq.
Niderlandı tərk etməli olanların işlərini yığıb təhvil vermək üçün iki həftə vaxtları var.
İşçilərin sayını bərabərləşdirməklə yanaşı, Niderland hakimiyyəti Rusiyanın Amsterdamdakı ticarət nümayəndəliyinin bağlandığını elan edib. Təmsilçilik artıq fevralın 21-də öz işini dayandırmalıdır.
Mənbə: rossaprimavera.ru
Xeberal.az
