İran Prezidenti İbrahim Rəisinin Çinə səfəri zamanı Tehran və Pekin arasında 25 illik əməkdaşlıq sənədinin həyata keçirilməsi üçün 20-yə yaxın memorandum imzalanacaq.
“Azad İran” “Telegram” kanalının məlumatına görə, bu barədə İranın İqtisadiyyat naziri Ehsan Xanduzi bildirib.
Kanaldan bildirilir ki, bir çox iranlı ekspert və iqtisadçı Tehranın Pekinlə 25 illik anlaşma imzalamasını tənqid edib. Onlar bu razılaşma nəticəsində İranın Çinin müstəmləkəsinə çevriləcəyi qənaətindədir.
O da vurğulanır ki, 1979-cu ildə baş tutmuş İran inqilabının rəhbərləri ölkəni guya amerikalılara həvalə etməsi ilə bağlı Pəhləvi rejimini tənqid edirdilər. İnqilabçıların əsas şüarı: “Nə Şərq, nə Qərb – İslam respublikası” olub.
“Bəs görəsən özünü müstəqil islam respublikası adlandıran İranda nə baş verir? İranlı ekspertlərin əsas narahatçılığı da bundan ibarətdir ki, İranın Çin ilə yaxınlaşması ABŞ-a inad olaraq baş tutur ki, bu da ölkəni Çinin müstməkəçisinə gətirib çıxaracaq”, – deyə “Azad İran” vurğulayıb.
Xeberal.az
