Türkiyənin İstanbul Aydın Universitetinin professoru Zeki Gündüz “Haber Global”ın canlı yayımında Qaziantepdə dağılan binalardan birinin tikildiyi materialları dəyərləndirib.
“Haber Global”ın əməkdaşının bununla bağlı ünvanladığı suala cavabında professor bildirib ki, istifadə olunan material qaydalara uyğun deyil.
O, istifadə edilən armaturların və qarışımların düzgün seçilmədiyini qeyd edib.
“Əsasnaməyə görə, bu cür dəmirlərdən istifadə etmək məqsədəuyğun deyil. Reqlamentə uyğun olaraq armaturlar poladdan olmalıdır. Əlimizdəki nümunəyə nəzər yetirdikdə homogen teksturaya malik olmadığını görürük. Tətbiq olunan qarışım qaydalara uyğun deyil”, – deyə Zeki Gündüz bildirib.
Mənbə: Haber Global
Xeberal.az
