İsrail ordusuna məxsus pilotsuz uçuş aparatı (PUA) Fələstin ərazisində, İordan çayının qərb sahilində qəzaya uğrayıb.
Bu barədə İsrail ordusunun “Twitter” hesabında açıqlama verilib.
Açıqlamada “Sky rider” tipli pilotsuz uçuş aparatının uçuş zamanı qəzaya uğradığı bildirilib.
PUA ilə bağlı və həmçinin düşmə səbəbi barədə hər hansı başqa məlumat verilməyib. Ərazidən PUA-nın parçalanmış hissələrinin yığışdırıldığı qeyd edilib.
Digər tərəfdən, fələstinli fəallar bununla bağlı sosial media hesablarında paylaşımlar edib və sözügedən pilotsuz təyyarənin Nablus bölgəsinə düşdüyünü vurğulayıblar.
Mənbə: Haber Global
Xeberal.az
