Ucarda baş verən qəzada piyada ağır xəsarət alıb.
APA -nin yerli bürosunun xəbərinə görə, hadisə axşam saatlarında rayonun Yuxarı Şilyan kəndində baş verib.
Rayon sakini, 1990-cı il təvəllüdlü Fuad Bəkir oğlu Qasımov idarə etdiyi “Mercedes” markalı minik maşını ilə piyada, 1984-ci il təvəllüdlü Vüsal Məhəmməd oğlu Xələfovu vurub.
Zərərçəkən aldığı xəsarətlərlə Ucar Mərkəzi Rayon Xəstəxanasına yerləşdirilib. Xəstəxanadan verilən məlumata görə, V. Xələfovun vəziyyəti ağırdır.
Faktla bağlı araşdırma aparılır.
Xeberal.az
