Dövlət İmtahan Mərkəzi (DİM) tərəfindən 2023-cü il noyabrın 12-də inzibati rəhbər vəzifələrə aid olan AB, AC və inzibati icraçı vəzifələrə aid olan BA, BB vəzifə qruplarına uyğun vəzifələr üzrə dövlət qulluğunda fəaliyyətin davam etdirilməsi imtahanı və dövlət qulluğunda inzibati vəzifələrin A növünə aid olan AB və AC qruplarına uyğun vəzifələr üzrə dövlət qulluğuna qəbul imtahanı keçirib.
DİM-dən verilən məlumata görə, inzibati rəhbər vəzifələrə aid olan AB, AC imtahanı Bakı və Naxçıvan şəhərlərində keçirilib. İmtahan saat 10:00-da başlanıb və üç saat davam edib. İmtahan prosesinin idarə olunması üçün DİM-də operativ qərargah fəaliyyət göstərib, müntəzəm olaraq imtahan keçirilən binalarla əlaqə saxlanılıb və imtahanın gedişi nəzarətdə olub.
İmtahan kompüter vasitəsilə təlimata uyğun olaraq üç saat müddətində aparılıb və namizədlərə biliklərini nümayiş etdirmələri üçün zəruri şərait yaradılıb. Namizəd tərəfindən imtahan yekunlaşdırıldıqda və ya imtahan üçün ayrılan vaxt başa çatdıqda namizədə imtahanın nəticələrinə dair arayış təqdim olunub.
İmtahanda 73 namizəd iştirak edib. İmtahan nəticələrinə əsasən, AC1 altqrupu üzrə dörd nəfər, AC2 altqrupu üzrə dörd nəfər, AC3 altqrupu üzrə 11 nəfər, AC4 altqrupu üzrə 12 nəfər olmaqla, ümumilikdə 31 namizəd tələb olunan şərtləri ödəyərək uğur qazanıb.
Bu gün həmçinin inzibati rəhbər vəzifələrə aid olan AB, AC və inzibati icraçı vəzifələrə aid olan BA, BB vəzifə qruplarına uyğun vəzifələr üzrə dövlət qulluğunda fəaliyyətin davam etdirilməsi üçün də test imtahanı keçirilib.
AB, AC, BA vəzifə qrupları üzrə olan imtahan kompüter vasitəsilə keçirilib. Namizəd tərəfindən imtahan yekunlaşdırıldıqda və ya imtahan üçün ayrılan vaxt başa çatdıqda namizədə imtahanın nəticələrinə dair arayış təqdim olunub.
Bu imtahanda 109 namizəd iştirak edib. İmtahan nəticələrinə əsasən, AB1 altqrupu üzrə iki, AB2 altqrupu üzrə üç, AB3 altqrupu üzrə bir, AB4 altqrupu üzrə bir, AC1 altqrupu üzrə dörd, AC2 altqrupu üzrə dörd, AC3 altqrupu üzrə iki, AC4 altqrupu üzrə iki, BA1 altqrupu üzrə yeddi, BA2 altqrupu üzrə 26, BA3 altqrupu üzrə 24, BA4 altqrupu üzrə 16 nəfər olmaqla, ümumilikdə 92 namizəd tələb olunan şərtləri ödəyərək uğur qazanıb.
Elektron imtahanın nəticələri ilə bağlı Apellyasiya komissiyası 13-15 noyabr tarixlərində saat 14:00-dan 17:00-dək DİM-də fəaliyyət göstərəcək. Ünvan: Bakı şəhəri, Nəsimi rayonu, Akademik Həsən Əliyev küçəsi, 299.
BB vəzifə qrupuna aid olan vəzifələr üzrə kağız daşıyıcılar vasitəsilə keçirilən imtahanın nəticələri iki gün ərzində elan olunacaq.
Xeberal.az
