Cəmiyyət

Azərbaycanda teplovoz avtomobillə toqquşub

Sharing is caring!


Bu gün saat 08:25 radələrində “Azərbaycan Dəmir Yolları” QSC-yə (ADY) məxsus teplovoz Zaqatala-Balakən marşrutunda hərəkətdə olarkən dövlət qeydiyyat nişanı 22-BB-012 olan “Mitsubishi” markalı pikap maşını dəmiryol keçidində onun yoluna çıxıb.

Bu barədə ADY-dən bildirilib.

Məlumata görə, toqquşma nəticəsində xəsarət alan olmayıb, teplovozun müəyyən hissələri zədələnib, dəmiryol infrastrukturuna ziyan dəyib.

“ADY nəqliyyat vasitələri sürücülərini “Yol hərəkəti haqqında” qanunun 44-cü maddəsinin tələblərinə ciddi riayət etməyə, dəmir yolu keçidlərinə yaxınlaşarkən sürət həddini aşağı salmağa, yüksək sayıqlıq göstərməyə və keçidin qatardan boş olduğuna tam əmin olduqdan sonra hərəkətlərini davam etdirməyə çağırıb.

Dəmiryol keçidlərindən keçmə qaydalarının pozulması, nəqliyyat vasitələrinin dəmir yollarını dəmiryol keçidlərindən kənar yerlərdən keçməsi hallarına görə sürücülər 100 manat cərimələnir”, – deyə səhmdar cəmiyyəti bəyan edib.

Xeberal.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir