Naxçıvan Muxtar Respublikası Ali Məhkəməsinin təşkilatçılığı ilə “Müasir dövrdə ədalət mühakiməsi: Yeni çağırışlar, yeni imkanlar” mövzusunda elmi-praktiki konfrans keçirilir.
“Report”un yerli bürosu xəbər verir ki, konfrans iştirakçıları əvvəlcə müasir Azərbaycanın banisi və qurucusu, ulu öndər Heydər Əliyevin Naxçıvan şəhərinin mərkəzində ucaldılan abidəsini ziyarət edərək önünə gül dəstələri qoyub, xatirəsinə ehtiramlarını bildiriblər.
Sonra Heydər Əliyev Muzeyinə ekskursiya təşkil olunub. Burada qonaqlar dahi rəhbərin həyat və fəaliyyətini özündə əks etdirən fotostendlərlə və müxtəlif dəyərli eksponatlarla yaxından tanış olublar.
Konfransda Azərbaycan Ali Məhkəməsinin sədri İnam Kərimov, Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli, Naxçıvan Muxtar Respublikası Ali Məhkəməsinin sədri Səadət Bəktaşi ilə yanaşı, muxtar respublikada fəaliyyət göstərən məhkəmələrin sədr və hakimləri, mərkəzi icra hakimiyyəti orqanlarının rəhbərləri və digər rəsmi şəxslər iştirak edirlər.
Xeberal.az
